ព័ត៌មានបឋមពីខេត្តសៀមរាប៖ រថយន្តដឹកអ្នកដំណើរមួយគ្រឿង ផ្ទុកមនុស្ស២៣នាក់

🔴HOT NEWS: ព័ត៌មានបឋមពីខេត្តសៀមរាប៖ រថយន្តដឹកអ្នកដំណើរមួយគ្រឿង ផ្ទុកមនុស្ស២៣នាក់ បានក្រឡាប់ផ្ងាជើង នៅព្រឹកថ្ងៃទី 18 ខែមិថុនាឆ្នាំ២០២៣។ ហេតុការណ៍នេះកើតឡើងនៅតាមបណ្ដោយផ្លូវជាតិលេខ 6A ក្នុងភូមិប៉ាក់ប៉ាន់ ឃុំសសរស្ដម្ភ ស្រុកពួក ខេត្តសៀមរាប។ រថយន្តដែលជួបគ្រោះថ្នាក់ចរាចរណ៍នេះ ជាប្រភេទរថយន្ត Hyundai 45 កៅអី ពណ៌លឿងលាយស ពាក់ផ្លាកលេខ ភ្នំពេញ 3B-4999 បើកបរក្នុងទិសដៅពីកើតទៅលិច ដល់ត្រង់ចំណុចកើតហេតុ ក៏រេចង្កូតធ្លាក់ប្រឡាយក្រឡាប់ផ្ងាជើង។ ឧបទ្ទវហេតុនេះបានបណ្ដាលឱ្យមនុស្សជាង 10 នាក់រងរបួសធ្ងន់ស្រាល។ រហូតមកដល់ពេលនេះសមត្ថកិច្ចនៅពុំទាន់អាចបញ្ជាក់អំពីមូលហេតុ និងចំនួនអ្នករងរបួសពិតប្រាកដបាននៅឡើយទេ៕

ប្រភពពី បណ្ដាញសារព័ត៌មាន គូលែនដេលី