នាទីជនសង្ស័យបានដេីរត្រឡប់ទៅមាត់ប្រឡាយ

កណ្ដាល៖ ឃាត់ខ្លួនបានហើយស្រ្តីដែលយកកូនទៅបោះក្នុងប្រឡាយទឹកចំណុចភូមិ ប្រឡាយ ឃុំ បឹងខ្យាង ស្រុក កណ្ដាលស្ទឹង ខេត្ត កណ្ដាល។ ជនសង្ស័យ ដែលសមត្ថកិច្ចឃាត់ខ្លួនមានឈ្មោះ ណាវ សៅរី ភេទ ស្រី អាយុ ៣៩ ឆ្នាំ រស់នៅភូមិ ប្រឡាយ ឃុំ បឹងខ្យាង ស្រុក កណ្ដាលស្ទឹង ខេត្ត កណ្ដាលមុខរបរ មិនពិតប្រាកដ (ឃាត់ខ្លួន)។ លោក វរសេនីយ៍ទោ សុឹម គឹមស៊ុនអធិការរងស្រុកកណ្ដាលស្ទឹងបានអោយយើងដឹងថា៖តាមចម្លេីយសារភាពរបស់ស្ត្រីឈ្មោះ ណាវ សៅរី ដែលត្រូវជាម្តាយទារកខាងលេីបានអោយដឹងថា៖ នៅថ្ងៃទី២៩ ខែ ឧសភាឆ្នាំ ២០២៣ វេលា ០៤ទាបភ្លឺឈ្មោះ ណាវ សៅរី បានឈឺពោះពេលនោះខ្លួនបានទៅបន្ទប់ទឹកបត់ជេីងធំ ស្រាប់តែសំរាលកូនធ្លាក់ចូលក្នុងចានបង្គន់ ពេលនោះជនសង្ស័យបានយកដៃស្តាំរបស់ខ្លួនច្របាច់កទារកលេីកឡេីងលេីប្រហែលដប់នាទី ទេីបជនសង្ស័យដាក់ទារកចុះលេីឥដ្ឋការ៉ូក្នុងបន្ទប់ទឹករួចខ្លួនបានអង្គុយមេីលទារកប្រហែលកន្លះម៉ោងពុំឃេីញទារកកម្រេីក ហេីយពុំដឹងទារកស្លាប់ឬរស់ ខ្លួនក៏សម្រេចចិត្តយកថង់ប្លាស្ទិកពណ៌ខ្មៅមកហេីយដាក់ទារកចូលក្នុងថង់ប្លាស្ទិកនោះហេីយមូរមាត់ថង់ជិត រួចលេីថង់ប្លាស្ទិកនោះដាក់ក្នុងសំពត់ដេីរយកទៅបោះចោលក្នុងទឹកប្រឡាយ ពេលទៅដល់មាត់ប្រលាយខ្លួនបានឈរខាងកេីតគុម្ពឬស្សីរួចបោះទារកខាងដែលច្រកក្នុងថង់ចូលទៅក្នុងប្រឡាយ រួចខ្លួនបានដេីរត្រឡប់មកផ្ទះវិញ ពេលមកដល់ផ្ទះបានប្រហែល ០៥ នាទីជនសង្ស័យបានដេីរត្រឡប់ទៅមាត់ប្រឡាយវិញ ឃើញថង់ប្លាស្ទិកដាក់ទារកនោះមិនទាន់លេចចូលទៅក្នុងទឹកប្រឡាយខ្លួនបានទៅទាញថង់នោះបេីកមាត់ថង់ចាក់ទារកចូលក្នុងទឹកប្រឡាយរួចខ្លួនប្រញាប់មកផ្ទះវិញព្រោះខ្លាចគេឃេីញដោយពុំបានមេីលថាទារកនោះលេចឬអណ្តែតទេ ពេលមកដល់ផ្ទះជនសង្ស័យបានងូតទឹកសំអាតខ្លួនហេីយទៅធ្វើការងាររោងចក្រម្តុំផ្សារសៀមរាបដូចសព្វដង។ មូលហេតុដែលជនសង្ស័យសម្រេចចិត្តសម្លាប់ទារកនោះចោលព្រោះ ខឹងប្តីរបស់ខ្លូនមិនទទួលស្គាល់ថាជាកូនរបស់ខ្លូនខ្លួនទាំងពីរនាក់ ខ្លាចក្រុមគ្រួសារបងប្អូនដឹងព្រោះខ្លួនមានផ្ទៃពោះជាមួយប្តីរបស់ខ្លូនគឺលាក់ពុំអោយក្រុមសារបងប្អូនដឹងទេ ។ បច្ចុប្បន្នជនសង្ស័យខាងលេីកំពុងឃាត់ខ្លួននៅអធិការដ្ឋាននគរបាលស្រុកកណ្ដាលស្ទឹងដេីម្បីកសាងសំណុំរឿងតាមនិតិវិធីច្បាប់៕